72 థియేటర్లతో స్టార్ట్‌ అయి 120 థియేటర్లలో హల్‌చల్‌ చేస్తున్న ‘ఇంటి నెం.13'
సినిమాలో కొత్తదనం ఉంటే ప్రేక్షకులు థియేటర్లకు వచ్చి సినిమా చూస్తారని ‘ఇంటి నెం.13’ చిత్రం ప్రూవ్‌ చేస్తోంది. ఈమధ్యకాలంలో థియేటర్లకు వచ్చి సినిమా చూసే ప్రేక్షకుల సంఖ్య తగ్గిపోయిందనే చెప్పాలి. అలాంటిది మార్చి 1న విడుదలైన ‘ఇంటి నెం.13’ చిత్రాన్ని అనూహ్యంగా థియేటర్లకు తరలి వచ్చి చూస్తున్నారు. 72 థియేటర్లలో ఈ చిత్రాన్ని రిలీజ్‌ చేశారు. సినిమాకి మంచి టాక్‌ రావడంతోపాటు సినిమాలోని ట్విస్టులకు, బ్యాక్‌గ్రౌండ్‌ స్కోర్‌కి, డైరెక్టర్‌ టేకింగ్‌కి ఆడియన్స్‌ థ్రిల్‌ అవుతున్నారు. మౌత్‌ టాక్‌ బాగా స్ప్రెడ్‌ అవడంతో కలెక్షన్లు కూడా బాగా పెరిగాయి. ఇప్పుడు ‘ఇంటి నెం.13’ చిత్రం రెండు రాష్ట్రాల్లో 120 థియేటర్లలో ప్రదర్శింపబడుతోంది.
ఈ చిత్రానికి వస్తున్న రెస్పాన్స్‌ గురించి దర్శకుడు పన్నా రాయల్‌ తెలియజేస్తూ ‘మార్చి 1న చాలా సినిమాలు రిలీజ్‌ అయ్యాయి. అందులో పెద్ద సినిమాలు ఉన్నాయి, చిన్న సినిమాలు ఉన్నాయి. వాటి మధ్య రిలీజ్‌ అయిన మా సినిమాకి ఇంత మంచి టాక్‌ రావడం చాలా హ్యాపీగా ఉంది. ఎంతో సైలెంట్‌గా మొదలైన మా సినిమా ఇప్పుడు రెండు రాష్ట్రాల్లో కలెక్షన్ల వర్షం కురిపిస్తోంది. ఎక్కడ చూసినా హౌస్‌ఫుల్‌ కలెక్షన్స్‌ ఉన్నాయి. ముఖ్యంగా ప్రతి ఏరియాలోనూ సెకండ్‌ షోలు హౌస్‌ ఫుల్‌ అవ్వడం చూస్తే సినిమా ఏ రేంజ్‌ సక్సెస్‌ సాధించిందో అర్థమవుతుంది. థియేటర్లలో జనం లేకపోయినా సూపర్‌హిట్‌ అయిందని, కలెక్షన్స్‌ దుమ్ము రేపుతోందని పబ్లిసిటీ చేసుకోవాల్సిన అవసరం ‘ఇంటి నెం.13’ చిత్రానికి రాలేదు. ఎందుకంటే కేవలం 72 థియేటర్లలో ఈ సినిమాని రిలీజ్‌ చేస్తే ఈ నాలుగు రోజుల్లో అన్ని ఏరియాల్లో థియేటర్లు పెరిగి ఇప్పుడు 120 థియేటర్లలో మా సినిమా సక్సెస్‌ఫుల్‌గా రన్‌ అవుతోంది. రిలీజ్‌ అయిన మొదటి రోజు, మొదటి షో నుంచే మౌత్‌ టాక్‌ బాగా స్ప్రెడ్‌ అవడంతో సూపర్‌హిట్‌ అనే టాక్‌ వచ్చేసింది. ఒక ఏరియా అని కాకుండా సినిమా రిలీజ్‌ అయిన అన్ని ఏరియాల్లోనూ ఇదే టాక్‌తో రన్‌ అవుతోంది. మా సినిమాకి ఇంత మంచి టాక్‌ రావడానికి సినిమాలోని థ్రిల్లింగ్‌ ఎలిమెంట్స్‌ అయిన సస్పెన్స్‌, మిస్టరీ, ఎవరూ ఊహించలేని ట్విస్టులు ముఖ్య కారణం. ఇవన్నీ సినిమాని ఒక రేంజ్‌కి తీసుకెళ్లాయి. వీటన్నింటికీ అద్భుతమైన బ్యాక్‌గ్రౌండ్‌ స్కోర్‌ తోడవ్వడంతో ఆడియన్స్‌ కొత్త అనుభూతికి లోనవుతున్నారు. సినిమాలో లెక్కకు మించిన గూస్‌బంప్స్‌ సీన్స్‌ ఉన్నాయి. వాటిని ప్రతి ఒక్కరూ ఎంజాయ్‌ చేస్తున్నారు. మల్టీప్లెక్స్‌ థియేటర్స్‌లోని ఆడియన్స్‌ సినిమాలోని అని ఎలిమెంట్స్‌ని బాగా ఎంజాయ్‌ చేస్తున్నారు. ఈమధ్యకాలంలో ఇలాంటి థ్రిల్లింగ్‌ మూవీ రాలేదని మల్టీప్లెక్స్‌ ఆడియన్స్‌ చెప్పడం మాకు ఎంతో ఉత్సాహాన్నిస్తోంది. ఇప్పటివరకు నేను చేసిన సినిమాల్లో కలెక్షన్లపరంగా హై రేంజ్‌కి వెళ్ళిన సినిమా ఇది. ఇప్పుడు ఉన్న టాక్‌ చూస్తుంటే మా సినిమా డెఫినెట్‌గా ఇంకా పెద్ద రేంజ్‌కి వెళ్తుందన్న కాన్ఫిడెన్స్‌ మాకు పెరిగింది. థియేటర్లలో ఆడియన్స్‌ రెస్పాన్స్‌ని ప్రత్యక్షంగా చూసిన నాకు ‘ఇంటి నెం.13’ చిత్రం తప్పకుండా ఒక కొత్త ట్రెండ్‌ క్రియేట్‌ చేస్తుంది అనిపిస్తోంది’ అన్నారు.
రీగల్‌ ఫిలిం ప్రొడక్షన్స్‌, డి.ఎం. యూనివర్సల్‌ స్టూడియోస్‌ పతాకాలపై పన్నా రాయల్‌ దర్శకత్వంలో హేసన్‌ పాషా నిర్మించిన ఈ సినిమాకి సంగీతం వినోద్‌ యాజమాన్య అందించారు. సినిమాటోగ్రఫీ: పి.ఎస్‌.మణికర్ణన్‌ సమకూర్చారు.
No comments