మహా మూవీస్ మరియు ఎమ్ 3 మీడియా బ్యానర్ పై వరుణ్ సందేశ్ ప్రధాన పాత్రలో ఆద్యంత్ హర్ష దర్శకత్వంలో మహేంద్ర నాథ్ కూండ్ల నిర్మించిన చిత్రం "విరాజి". ఈ చిత్రం యొక్క ఫస్ట్ లుక్ మరియు టీజర్ ను బ్లాక్ బస్టర్ బేబీ చిత్ర దర్శకుడు సాయి రాజేష్ విడుదల చేశారు.
ఈ సందర్భంగా సాయి రాజేష్ గారు మాట్లాడుతూ "ఇప్పుడే విరాజి టీజర్ చూసాను, చాలా బాగుంది. విజువల్స్ అద్భుతంగా ఉన్నాయి. వరుణ్ సందేశ్ లుక్ అదిరిపోయింది. క్యారెక్టర్ కోసం అంత అంకిత భావంతో పని చేస్తున్న వరుణ్ సందేశ్ కి కంగ్రాట్స్. ప్రమోషన్ లో కూడా తన క్యారెక్టర్ గెట్ అప్ లో పర్మనెంట్ హెయిర్ కలర్ లో ఉండటం చాలా అరుదు. ఈ చిత్రం మంచి విజయం సాధించాలి. అలాగే దర్శకుడు ఆద్యంత్ హర్ష మా నెల్లూరు వాడు కావడం చాలా సంతోషం. మైత్రి మూవీ మేకర్స్ వాళ్ళు ఈ చిత్రాన్ని విడుదల చేయడం చాలా సంతోషం. ఈ చిత్రం ఆగస్టు 2న విడుదల అవుతుంది, నిర్మాత మహేంద్ర గారికి ఈ చిత్రం మంచి విజయం సాధించాలి" అని తెలిపారు
వరుణ్ సందేశ్ మాట్లాడుతూ "ఈరోజు మా విరాజి చిత్రం ఫస్ట్ లుక్ మరియు టీజర్ ను బేబీ దర్శకుడు సాయి రాజేష్ విడుదల చేయడం చాలా సంతోషం. ఈ చిత్రం నాకు చాలా స్పెషల్. సినిమా చాలా బాగా వచ్చింది, ఆగస్టు 2న విడుదల అవుతుంది.
దర్శకుడు ఆద్యంత్ హర్ష మాట్లాడుతూ "విరాజి నా మొదటి సినిమా. ఈ చిత్రం యొక్క ఫస్ట్ లుక్ టీజర్ ను సాయి రాజేష్ గారు విడుదల చేయడం చాలా సంతోషంగా ఉంది. వరుణ్ సందేశ్ గారి లుక్ కి కథ కి చాలా దగ్గరి సంబంధం ఉంది. ఆగస్టు 2న సినిమా చూస్తే మీకు అర్థం అవుతుంది" అని తెలిపారు
నిర్మాత మహేంద్ర నాథ్ కూండ్ల మాట్లాడుతూ "విరాజి అనే మంచి చిత్రాన్ని నిర్మించాము, ఈరోజు ఫస్ట్ లుక్ టీజర్ ని సాయి రాజేష్ గారు విడుదల చేయడం చాలా సంతోషం. ఆగస్టు 2న విడుదల అవుతుంది, అందరికి నచ్చుతుంది" అని తెలిపారు.
No comments